قصيدة في الرحلات البرية .

مصـ اس اس ـرقع · 05-14-2008, 02:19 AM

السلام عليكم ورحمته وبركاته

بما ان هذا القسم يعني بالرحلات البريه

احببت ان انقل لكم هذه القصيده عن رحلات البر

يهل الولع قلبي تزايد فتونه
مقصده يسج بديرتن مابه أسوار

من فوق شاص يعجب اللي يسوقه
مجهزينه للمقاطع والأخطار

مضف على كل الصحاري حقوقه
نوه جديد كل طبلونه اصفار

أليا شلع تقول يرخي سبوقه
فرخ قطامي ورد بعد محدار

الطير والدربيل تزهي شنوقه
والعزبه اللي زودها بن وبهار

أمل التوناك لا تهمك عروقه
واضرب نهايته الخلا منت محتار

يحلا نسيم الصبح ساعه شروقه
بالفيضه اللي كلها نبت نوار

يزين بدع القاف بحلاء طروقه
يقفر خلا ما طبها كل دوار

أرم الحطب والناس كل وشوقه
وجد الدلال الصفر فمصالي النار

ثم احكر الفنجال ويزين ذوقه
بريه يطرب لها كل زوار

الصيد واجد والنشاما تحوفه
غزايز دايم سمينات وخيار

ارم النظر ما فيه شيء يعوقه
برض خلا ترتع بها دق الأبكار

العمر فاني والليالي تسوقه
والرازق الله والمخاليق قصار

تحياتي مصرقع اس اس.

البزناس · 11-05-2008, 03:12 PM

العمر فاني والليالي تسوقه

.......................والرازق الله والمخاليق قصار

صح لسانك شااااعرناا

هاجس العيون · 11-05-2008, 06:38 PM

عاد من حبك لطلعات البر مصرقع<< خلني ساكت احسن،،،
خخخخخخخخخخ
تسلم و صح لسان قايلها وناقلها،،،
هيضتني الله يرجك،،، بس جهز العزبه وخلنا نكشت بذا الربيع ،،، ونخلي سلطان و ونان وباقي الشله يطقطقون بهالموقع،،، وحنا فالينها بالبران،،، بس لا تعلم

يعطيك العافيه

قلوب مسافرة · 11-05-2008, 08:16 PM

تسلم يدك و حياك في كشتة البر في أستراليا غير واختار اي طابق تبي

تحياتي اختك قلوب مسافرة

قصيدة · 11-11-2008, 01:13 AM

قصيدة رائعة تسلم يمينك اخوي مصرقع

مصـ اس اس ـرقع · 11-11-2008, 01:50 AM

مشكورين جميعا على المرور ولتعليق

اقتباس:

العمر فاني والليالي تسوقه

.......................والرازق الله والمخاليق قصار

صح لسانك شااااعرناا

يصح بدنك يالغالي

اقتباس:

عاد من حبك لطلعات البر مصرقع<< خلني ساكت احسن،،،
خخخخخخخخخخ
تسلم و صح لسان قايلها وناقلها،،،
هيضتني الله يرجك،،، بس جهز العزبه وخلنا نكشت بذا الربيع ،،، ونخلي سلطان و ونان وباقي الشله يطقطقون بهالموقع،،، وحنا فالينها بالبران،،، بس لا تعلم

يعطيك العافيه

ابد انا جاهز متى ما بغيت <<< فاضي اشغال

بس خل ونان وسلطان يجون نطقطق عليهم اشويه

ههههههههههههههههههه

قلوب مسافره

مشاء الله عليكي

بس عاد ما تنفع الدور الثاني والقه نفسي الصبح في الارض
بس والله حركه حلوه شكلي بسويها

اقتباس:

قصيدة رائعة تسلم يمينك اخوي مصرقع

قصيدة مشكوره على مرورك وتعليقك

ولا هنتي ..

تقديري واحترامي لكم جميعا ...

مصرقع اس اس ..

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصيدة القلم	على عزالدين	المنـتديـات الأدبـية	2	11-14-2007 07:13 PM
قصيدة المدرسة هع هع هع	زهرة الصباح	المنـتديـات الأدبـية	11	10-18-2007 12:59 PM
قصيدة وتصميم ....	ريميه	المنـتديـات الأدبـية	11	04-05-2007 11:40 PM
.:: قصيدة التفرقة ::.	شارية الموت	المنـتديـات الأدبـية	10	07-15-2006 01:48 AM
قصيدة من غير ولا نقطة	الشعشبونه	المنـتديـات الأدبـية	4	07-13-2006 11:57 PM

الذين يشاهدون محتوى الموضوع الآن : 1 ( الأعضاء 0 والزوار 1)

قصيدة في الرحلات البرية .

الرحلات البرية والبحرية