نصائح لعشاق البر والرحلات

مصـ اس اس ـرقع · 05-14-2008, 05:41 PM

نصائح مهمة لمحبي البر

1)صل صلاة استخاره قبل الطلعه واقرى دعاء السفر.

2) لازم تكون مدور لك مكان قبل الطلعه بيوم او يومين يكون بعيد عن الشعبان (الاوديه ) وبعيد عن شجر العشر اذا كنت تخاف من الجن وقريب من الطريق تقريبا ثلاث كيلوا او بعيد عن الطريق وتكون قريا من راعي حلال على شان اذا احتجتو شي يكون قريب منكم تاخذون الي يقزركم (يكفي حاجتكم)

3)افحص سيارتك وعدة السلامه الي فيه .

4)تفقد عزبتك (عدتك الطلعه ) لا تكون ناقصه ولا تنسى سلاحك ام تسع او سبعه او خرازه اورشاش للاحتياط ولاتنسى خذ معك قارن تقراء منه اجر وعباده بالبر

5)اختر صحبت ناس متسنعه شقرديه تعين وتعاون مو خكاريه ترفع الضغط وينكد عليك الطلعه

6)اذا جيتو المكان قولو دعاء نزول المكان وتفحصوه زين لا يكون فيه ديبان (حياي ثعابين) وعقارب

7)الحمد لله على سلامتكم اسجد سجود شكر على الوصول لان غيرك طلع ولا وصل للي يبيه

8)الحين ابنو الخيمه ووجهزوا الشاي والقهوه

9)اذا بغيت تهفهف(تتمشى)يمين ويسار اذا كنت تخاف من ديبان (حياي ثعابين) وعقارب خذ معك عصا طولك تقريبا وانت تمشى اضرب الارض بعصاك على شان تخوف ديبان (حياي ثعابين) وعقارب لانك اذا ضربت الارض فانك تهدده وتهرب هي منك (يابطل)هههههه

10) هذا اهم شي اذا شفت كلب لا تهرب ولا تخاف منه وش ما كان لانه هو والنحل الكائنين الوحيدين الي خلقهن ربك يشمن ريحت الخوف لانه اذا شم الريح وربي ما يترك حتى اذا كان طقوع (اسئل مجرم ولا تسال طبيب) وره انك قوي ( ايه هين ) واهجم عليه شوته بالحجر على شان يعرف انك قوي (يامجرم هههههههههه)

11) وانت تتمشى كل خمس دقايق شف وش وراك هذا تحذير مني لك لاني مره جاني الهجوم من الخلف من عقرب تلحقني اول شي ما عطيته وجه ولاحظت انه وراي وراي وعلمته ان الله حق حطيته بعلبت بيبسي وقفلت عليه وبديت العب به كوره

12) خف من الحصني(الثعلب) ولا تخاف من كلب لانه مكرا

13)اذا رحت تجمع حطب لا تحطب الشجره الخضر عليك باليابس الا الرمث عليك به كله لانه صحي للعين يغسله لك

14)لا تبعد بالليل لانه ما في امان باللي لوانت ما تشوف بالليل يعني تروح عشاء لذيب جيعان او كلب او تروح ترقد بالمستشفى لانك مقروص من داب وعقارب او ترقد بالثلجه اذا قرصتك ام جنيب

15)لا تنطرب بالبر نصيحه اذا ماكنت تخاف من الجن

16) لا تزعل لان الدني ما تسوى انك تزعل وانت طالع اتفضى مو تزعل
ياسرع الوقت
والحين تبي ترجع

17) ضف بلاويك ونظف المكان وخله احسن من ماكان (وهذا مستحيل) او مثل ما كان

18) حمل عفشك واركب سيارتك وقل دعاء الرجوع من السفر والله ييسرلك وسق زي الاوادم 120 (ايه هيناذا ماصفقة العداد كله )
الحمد لله على السلامه

19) سلام امك و ابوك وحب على رؤسهم (ايه هين) وسلم على باقي العيله احمد ربك على انه وصلك بالسلامه لان غيرك ماتو ولا شافوا اهلهم وصلى ركعتين شكر لربك

20) ورح ريح تسدح بفراشك واحلام سعيده
.

هذا كل شي

منقول لفائدة ...

حفصه · 05-14-2008, 09:58 PM

والله نصائح هامة جدا

جزاك الله خيرا على النقل

nada1111 · 11-18-2008, 04:58 PM

يسلمممممممممممممممممممممممممموووواااااااااااا

vip_saleh · يوم أمس, 12:13 AM

يعطيك العاااااااااااافيه اخوي

مصـ اس اس ـرقع · يوم أمس, 03:11 AM

مشكورين جميع على المرور والتعليق

نورتوا الصفحة بتواجدكم

وتعليقاتكم

مصرقع اس اس

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لعشاق سياره الهمر	مصرية درجة اولى	منتدى الرياضة والسيارات	7	05-23-2008 03:37 AM
احب البر وياشين البر بدون Tatu	برنس الشوووق	الحوت المملكة العربية السعودية K.s.a	12	04-11-2008 12:50 AM
لعشاق كاكا	الفتى الخجول	منتدى الرياضة والسيارات	4	10-23-2007 12:38 AM
لعشاق يوسف الثنيان\\صور؟؟ جديدة؟؟	{{<<القــــــــــاوي>>}}	منتدى الرياضة والسيارات	2	05-31-2005 12:37 PM
لعشاق ماجد عبدالله؟؟	{{<<القــــــــــاوي>>}}	منتدى الرياضة والسيارات	5	02-07-2005 06:33 AM

الذين يشاهدون محتوى الموضوع الآن : 1 ( الأعضاء 0 والزوار 1)

نصائح لعشاق البر والرحلات

الرحلات البرية والبحرية